सेवा पुस्तक (सर्विस बुक) विषयक संपूर्ण माहिती

अस्वच्छ व्यवसाय करणाऱ्या पालकांच्या मुलांना मॅट्रिकपूर्व शिष्यवृत्ती

अस्वच्छ व्यवसाय काम करणाऱ्या पालकांच्या मुलांना मॅट्रिकपूर्व शिष्यवृत्ती समाजकल्याण विभागांतर्गत येणारी ही शिष्यवृत्ती आहे.

 उद्देश :-

            अस्वच्छ व्यवसाय काम करणाऱ्या पालकांच्या मुलांना शिक्षणाची संधी उपलब्ध करून देण्यासाठी व त्यांना समाज प्रवाहात आणण्यासाठी सदर शिष्यवृत्ती योजना लागू करण्यात आलेली आहे.

या शिष्यवृत्ती मध्ये केंद्र शासनाने सुधारणा केली असून त्याची अंमलबजावणी दिनांक ०१-०४-२००८ पासून लागू करण्यात आलेली आहे.

अस्वच्छ व्यवसाय शिष्यवृत्ती साठी अटी व शर्ती :-

• अस्वच्छ व्यवसाय काम करणारे, परंपरेने सफाई कामगार, कातडी सोलणे, कातडी कमावणे व कागद, काच, कचरा गोळा करणे या व्यवसायात गुंतलेल्या व्यक्तींच्या पाल्यांना सदर शिष्यवृत्ती अनुज्ञेय आहे.
• ही शिष्यवृत्ती सर्व जाती व धर्माला लागू आहे.
•  ही शिष्यवृत्ती योजना केंद्र पुरस्कृत असून यासाठी कोणतीही उत्पन्नाची अट नाही.
•  अस्वच्छ व्यवसाय करणाऱ्या व्यक्तींना ग्रामसेवक, नगरपालिका मुख्याधिकारी, महानगरपालिका आयुक्त, उपायुक्त, प्रभाग अधिकारी यांचेकडून अस्वच्छ व्यवसाय करत असल्याबाबतचे प्रमाणपत्र सादर करणे आवश्यक आहे.

 सदर शिष्यवृत्तीचे अर्ज सुरुवातीला शाळेमार्फत ऑनलाइन महाराष्ट्र समाजकल्याण विभागाच्या वेबसाइटवर ऑनलाइन भरावे लागत होते परंतु तूर्तास हे फॉर्म ऑफलाइन पद्धतीने भरावे लागत आहे.

अस्वच्छ व्यवसाय शिष्यवृत्ती अंतर्गत मिळणारे लाभ :-

•  निवासी दरमहा 700 रु 10 महिन्यासाठी व तदर्थ अनुदान 1000/- असे एकुण 8000/- रु.
•  अनिवासी दरमहा रु 225/-  10 महिन्यासाठी व  तदर्थ अनुदान रु 750 असे एकुण 3000/- रु.

शाळांनी सर्व विद्यार्थ्यांचे अस्वच्छ व्यवसाय शिष्यवृत्तीचे प्रस्ताव जमा करावीत व एकत्रित खाली दिलेल्या नमुन्यामध्ये माहिती संकलित करून आपल्या कार्यक्षेत्रातील गटशिक्षणाधिकारी कार्यालय येथे संकलन जमा करावे.